စစ်ကိုင်းမြိုတွင် လောင်းကြေး သိန်း ၈၀ ကျော်နှင့်အတူ လေးကောင်ဂျင်ဝိုင်း ဖမ်းဆီးရမိမှုကို ယနေ့ အမှုဖွင့် စစ်ဆေးလျက်ရှိကြောင်း သိရသည်။
မေ ၂၉ ရက် နံနက်၂ နာရီ ၁၅ မိနစ်အချိန် ၊ စစ်ကိုင်းမြို့နယ်၊ ဇေယျာကွက်သစ်ရပ် ရွှေဘုန်းပွင့်ဘုန်းကြီးကျောင်းအနီး ထန်းလက်တဲအတွင်း လေးကောင်ဂျင်းဝိုင်း လောင်းကစားနေကြောင်းသတင်းအရ စစ်ကိုင်းခရိုင်ရဲတပ်ဖွဲ့မှူး ရုံးမှ ဒုရဲမှူးမောင်မောင်သိန်း နှင့် တပ်ဖွဲဝင်များက ဝင်ရောက်ဖမ်းဆီးခဲ့သည်။
အဆိုပါနေရာတွင်လောင်းကစားပြုလုပ်နေသူ ၄ ဦးကို ဖမ်းဆီးရမိခဲ့ပြီး ကျန်လူများမှာ အခင်းဖြစ်နေရာမှ ထွက်ပြေးတိမ်းရှောင်သွားခဲ့သည်။
အဆိုပါနေရာတွင် လောင်းကစားပြုလုပ်ရာ၌ အသုံးပြုသည့်ကား တစ်စီး၊ ၊ ငွေသား ကျပ်သိန်း (၈၀)ကျော် ၊ ဂျင်သီး(၃)လုံး ၊ကြွေပုဂံ တစ်ချပ်ပါ အုပ်ဆောင်းတစ်ခု၊ အဖြူရောင်ဗီနိုင်းစပေါ်တွင် ကြက် ဝက်၊ မြွေ၊ဖား၊ အရုပ်များရေးဆွဲထား သည့်ဇယားတစ်ချပ်တို့ကို သိမ်းဆည်းရမိခဲ့သည်။ ၎င်းတို့အား စစ်ကိုင်းမြို့မရဲစခန်းက လောင်းကစားဥပဒေအရ အမှုဖွင့်ကာ ဆက်လက် စစ်ဆေးလျက်ရှိသည်။
