တရုတ်နိုင်ငံ အနောက်ဖျားရှိ ရှင်ကျန်းဒေသ၌ သြဂုတ် ၁၆ ရက်တွင် COVID-19 ကူးစက်သူသစ်မရှိကြောင်း တရုတ်ကျန်းမာရေးကော်မရှင်က သြဂုတ် ၁၇ ရက်တွင် ထုတ်ပြန်ခဲ့သည်။
ရှင်ကျန်းဒေသ၌ ဇူလိုင်လလယ်မှစ၍ ပထမဆုံးအကြိမ်အဖြစ် ကူးစက်သူသစ်မရှိခဲ့ခြင်းဖြစ်သည်။ တရုတ်ပြည်မကြီး၌ သြဂုတ် ၁၆ ရက်တွင် COVID-19 ကူးစက်သူသစ် ၂၂ ဦးရှိခဲ့ပြီး ယင်းသည် သြဂုတ် ၁၅ ရက်တွင်ရှိခဲ့သည့် ၁၉ ဦးမှ တိုးလာခဲ့ခြင်းဖြစ်ကြောင်း ကျန်းမာရေးကော်မရှင်က ထုတ်ပြန်ခဲ့သည်။
သြဂုတ် ၁၆ ရက်တွင်ရှိခဲ့သည့် COVID-19 ကူးစက်သူသစ်အားလုံးသည် ပြည်ပတွင် ကူးစက်ခံရပြီးနောက် တရုတ်သို့ ရောက်ရှိလာသူများဖြစ်ကြောင်း ကော်မရှင်၏ထုတ်ပြန်ချက်တွင်ဖော်ပြထားသည်။ သေဆုံးသစ်မရှိခဲ့ချေ။
ထို့ပြင် သြဂုတ် ၁၆ ရက်တွင် ကိုရိုနာဗိုင်းရပ်စ်ကူးစက်ခံထားရသော်လည်း ရောဂါလက္ခဏာမပြသူ ၃၇ ဦးရှိခဲ့ပြီး ယင်းသည် သြဂုတ် ၁၅ ရက်တွင်ရှိခဲ့သည့် ရောဂါလက္ခဏာမပြသူ ၁၆ ဦးမှ တိုးလာခြင်းဖြစ်သည်။ သြဂုတ် ၁၆ ရက်အထိ တရုတ်နိုင်ငံ၌ COVID-19 အတည်ပြုလူနာ ၈၄၈၄၉ ဦးနှင့် သေဆုံးသူဦးရေသည် ၄၆၃၄ ဦးမှ တိုးလာခြင်းမရှိချေ။
