ကမ္ဘာကျော် ဘတ်စကတ်ဘောကစားသမားဟောင်း မိုက်ကယ်ဂျော်ဒန် အနိုင်ရသောပွဲစဉ်တစ်ခုတွင် ဝတ်ဆင်ကစားခဲ့သည့် ဖိနပ်တစ်ရံအား လေလံတင်ခဲ့ရာ စံချိန်တင်လေလံဈေး ၆၁၅၀၀၀ ဖြင့် ရောင်းထွက်ခဲ့ကြောင်း ခရစ္စတီးလေလံကုမ္ပဏီက ထုတ်ပြန်သည်။
မကြာသေးမီတွင် ရောင်းချခဲ့သော ဖိနပ်တစ်ရံ၏ တန်ဖိုးကို ကျော်ဖြတ်ကာ စံချိန်သစ် တင်ခဲ့ခြင်းလည်းဖြစ်သည်။ ယခု ရောင်းချခဲ့ရသော Air Jordan 1 Highs ဖိနပ်သည် ၁၉၈၅ ခုနှစ်တွင် အီတလီ၌ ပြုလုပ်သော ပြိုင်ပွဲအတွင်း မိုက်ကယ်ဂျော်ဒန် ဝတ်ဆင်ခဲ့ခြင်းဖြစ်သည်။
မိုက်ကယ်ဂျော်ဒန်သည် ၁၃ ဒသမ ၅ အရွယ်အစားရှိ ယင်းဖိနပ်ကို ဝတ်ဆင်ကစားခဲ့ပြီး ယင်းပွဲစဉ်တွင် ရမှတ် ၃၀ မှတ်အထိ ရယူပေးနိုင်ခဲ့သည်။
၎င်း၏ Chicago Bulls အသင်း၏အနီနှင့် အနက်ရောင်တို့ကို ပေါင်းစပ်ထားသည့် ဖိနပ်ဖြစ်သည်။
မေလတွင် Air Jordan 1 ဖိနပ်အား ဒေါ်လာ ၅၆၀၀၀၀ ရောင်းချခဲ့မှုဖြင့် တင်ထားသည့် စံချိန်ကို ယခုရောင်းချမှုက စံချိန် ချိုးနိုင်ခဲ့ခြင်းဖြစ်သည်။
