အက်သလက်တီကိုအသင်းနည်းပြ ဆီမြွန်နီသည် ကိုရို နာဗိုင်းရပ်စ်ကူးစက်ခံရပြီးနောက် လက်ရှိတွင် အိမ်၌သီးခြား နေထိုင်နေရကြောင်း သိရသည်။
အက်သလက်တီကိုသည် ဘောလုံးရာသီသစ်မစမီ စက်တင်ဘာ ၁၅ ရက်၌ ကာဒစ်ဇ် နှင့်ခြေစမ်းရန် စီစဉ်ထားပြီး စက်တင်ဘာ ၁၁ ရက်ကမူ အသင်းရှိလူများကို ကိုရိုနာဗိုင်းရပ်စ်စစ်ဆေးခဲ့ရာ နည်းပြ ဆီမြွန်နီမှာ ဗိုင်းရပ်စ်ထိခဲ့ခြင်းဖြစ်သည်။
''ဒီယေဂိုပါဘလို ဆီမြွန်နီကို COVID-19 စစ်ဆေးခဲ့ ရာမှာ Positive အဖြေထွက်ခဲ့ပါတယ်။ သူ့မှာ ဘာရောဂါ လက္ခဏာမှမပြပါဘူး။ အခုဆိုရင် အိမ်မှာသီးခြားနေထိုင် နေပါတယ်''ဟု အက်သလက်တီကိုအသင်းက ထုတ်ပြန် ခဲ့သည်။ အက်သလက်တီကိုကစားသမားနှစ်ဦးဖြစ်သော တိုက်စစ်မှူး ဒီယေဂိုကော်စတာနှင့် ညာနောက်ခံလူ အာရီ ယက်စ်တို့မှာလည်း ဗိုင်းရပ်စ်ကူးစက်ခံခဲ့ရပြီး ဖြစ်သည်။
ပြင်သစ်လီဂူးကလပ် ပီအက်စ်ဂျီ၌လည်း ကစားသမား အချို့ Covid-19 ကူးစက်မှုခံခဲ့ရသည်။ ဗိုင်းရပ်စ်ကူးစက် မှုခံခဲ့ရသော တိုက်စစ်မှူးနေမာနှင့် မန်ယူမှပေါ့ဘာတို့မှာမူ Negative အဖြေပြန်ထွက်ခဲ့ကြောင်း သိရသည်။
