Fever Clinic Monywa ကို စက်တင်ဘာ ၂၁ ရက်၌ ဒုတိယအ ကြိမ်အဖြစ် မုံရွာမြို့လူငယ်စင်တာတွင် ဖွင့်လှစ်သွားမည်ဖြစ်ကြောင်း မြန်မာ နိုင်ငံ ဆရာဝန်အသင်း(မုံရွာ) နာယက ဒေါက်တာဝင်းမော် (စိုပြေဆေးရုံ)ထံ မှ သိရသည်။
''Fever Clinic ကို ပြန်ဖွင့်ရင် အရင်ဖွင့်တုန်းကလို မြန်မာနိုင်ငံ ဆရာဝန်အသင်း(မုံရွာ)နဲ့အတူ စစ်ကိုင်းတိုင်းလူငယ်ရေးရာကော်မတီ Save Monywa - Monywa Rescue နဲ့စေတနာ့ဝန်ထမ်းလူငယ်တွေ ပူး ပေါင်းဆောင်ရွက်ကြမှာဖြစ်ပါတယ်။မုံရွာမှာပုဂ္ဂလိကဆေးရုံ ၁ဝ ရုံရှိတယ်။ဆေးရုံတစ်ရုံက တစ်လကိုဆရာဝန် တစ်ဦးက တစ်ရက် တာဝန်ယူပေးကြ မှာဖြစ်ပါတယ်။ ဒါက အခုဒုတိယအ ကြိမ်ပြန်ဖွင့်ရာမှာ မဖြစ်မနေတာဝန် ယူဖို့ ဆုံးဖြတ်ခဲ့ကြတာဖြစ်ပါတယ်။ကျန်တာက အရင်လိုပြင်ပဆရာဝန် တွေက စေတနာနဲ့လာထိုင်ကုသပေး ကြမှာဖြစ်ပါတယ်''ဟု ဒေါက်တာဝင်းမော် ကပြောသည်။
Fever Clinic Monywa ကို ကိုဗစ်ကာလ ၂ဝ၂ဝ ပြည့်နှစ် မေ ၁ ရက်က ဖွင့်လှစ်ခဲ့ပြီး ဖျားနာသူများအား အဓိကထားကုသပေးရာ ဇွန်လကုန်တွင် နားခဲ့ပြီး ယခုဒုတိယအကြိမ်ပြန်ဖွင့်ရန် စီစဉ်ရခြင်းဖြစ်ကြောင်း သိရသည်။
Fever Clinic Monywa ကို တစ်ပတ်လျှင် ဗုဒ္ဓဟူးနှင့်တနင်္ဂနွေနေ့ နှစ်ရက်ပိတ်မည်ဖြစ်ပြီး ဖွင့်ရက် ငါး ရက်တွင် နံနက် ၉ နာရီမှ ၁၁ နာရီအထိ ဖွင့်လှစ်ကုသပေးမည်ဖြစ်သည်။ဆေး ခန်းပြသလိုသည့် လူနာများအနေဖြင့် ဆေးခန်း၏ Hot Line ဖုန်းနံပါတ် ဝ၉-၆၆ဝဝ၁ဝဝဝဝ သို့ဖုန်းဆက်၍ ကြိုတင်စာရင်းပေးသွင်းရန်လိုအပ် ကြောင်း သိရသည်။
