ယင်းစမ်းသပ်မှုကို ဗြိတိန်နိုင်ငံတွင်လည်း ဆောင်ရွက်သွားမည်ဖြစ်ပြီး အသက် ၁၈ နှစ်မှ ၈၄ နှစ် ကြားအရွယ် စေတနာ့ဝန်ထမ်းပေါင်း ၁၀၀၀၀ ဖြင့် စမ်းသပ်မည်ဖြစ်ကြောင်း သိရသည်။ ယင်းစမ်းသပ်မှုကို လာမည့် လေးပတ်မှ ခြောက် ပတ်အတွင်း ဆောင်ရွက်သွားမည်ဖြစ်သလို ကျန်းမာရေးကောင်းသူများနှင့် နာတာရှည် ရောဂါသည်များကိုပါ စမ်းသပ်သွားမည်ဖြစ်သည်။

‘’SARS-COV-2 ရဲ့ ကူးစက်မှုဖြစ်စဉ်တွေကို အသေးစိတ် လေ့လာမှုတွေ ပြုလုပ်ခဲ့ပြီး ဗြိတိန်မှာလည်း ဆက်လက် လုပ်ဆောင်ဖို့ မျှော်လင့်ထား ပါတယ်။ ဒီလို အဓိကျတဲ့ အဆင့် ၃ စမ်းသပ်မှုကို ကျွန်တော်တို့ အလျင်အမြန် လုပ်ဆောင်မှာဖြစ်ပြီး NVX-CoV2373 ရဲ့ ထိရောက်မှုအပေါ် သုံးသပ်ချက်ကိုလည်း ထုတ်ပြန်သွားမှာဖြစ်ပါတယ်’’ ဟု ကုမ္ပဏီဥက္ကဋ္ဌ ဂရီဂရီဂလင်း က ကာကွယ်ဆေး၏ နည်းပညာဆိုင်ရာအမည်နာမကို ထုတ်ဖော်ရင်းဖြင့် ပြောဆိုခဲ့သည်။

အဆိုပါ ကာကွယ်ဆေးသည် ကမ္ဘာပေါ်တွင် အဆင့် ၃ စမ်းသပ်မှုသို့ ရောက်ရှိသော ၁၁ ခုမြောက် ကာကွယ်ဆေး ဖြစ်သည်။ အမေရိကန်ပြည်ထောင်စု မေရီလင်းပြည်နယ်အခြေစိုက် Novavax သည် ကာကွယ်ဆေးထုတ်လုပ်ရေး ရန်ပုံငွေအတွက် အမေရိကန်အစိုးရထံမှ ဒေါ်လာ ၁ ဒသမ ၆ ဘီလီယံ ရရှိထားပြီးဖြစ်သည်။ အေပီ