၂၀၂၀ ခုနှစ် Billboard Music Awards အတွက် ဆန်ကာတင်စာရင်း ထွက်ရှိလို့လာပြီဖြစ်ပါတယ်။
ဆန်ကာတင်စာရင်းရဲ့ ထိပ်ဆုံးမှာဦးဆောင်နေသူကတော့ Post Malone ဖြစ်ပြီး စုစုပေါင်း ဆု ၁၆ ခု အတွက် ရွေးချယ်ခံထားရတာပါ။
Post Malone ရဲ့ နောက်မှာတော့ Lil Nas X က ၁၆ ဆု၊ Billie Eilish နဲ့ Khalid တို့က ၁၂ ဆုစီ၊ Lizzo က ၁၁ ဆု၊ Kanye West က ၉ ခု၊ Taylor Swift က ၆ ဆုနဲ့ ဆန်ကာတင်စာရင်းရဲ့ထိပ်ဆုံးမှာ အသီးသီးရပ်တည်နေကြတာဖြစ်ပါတယ်။
ဒီနှစ်မှာ ပရိသတ်တွေမဲပေးရွေးချယ်တဲ့ဆု ၃ ဆု လည်း ပါဝင်လာပါ တယ်။ အဲဒီ့ဆုသုံးခုကတော့ Billboard Chart အတွက်ရွေးချယ်တဲ့ ၁ ဆု၊ တစ်ကိုယ်တော်သီဆိုမှုအတွက် ၁ ဆု နဲ့ ပူးတွဲသီဆိုမှုအတွက် ၁ ဆု တို့ပဲဖြစ်ပါတယ်။
Icon Award Winner ဆုကိုတော့ Garth Brooks ကို ပေးအပ်ကြောင်း အစောပိုင်းကတည်းက ကြေညာခဲ့ပြီးဖြစ်ပါတယ်။
ဒီနှစ်ဆုပေးပွဲမှာ Kelly Clarkson က အစီ အစဉ်တင်ဆက်သူအဖြစ်ဆောင်ရွက်သွားမှာဖြစ်ပြီး အောက်တိုဘာလ ၁၄ ရက်နေ့မှာ တိုက်ရိုက်ထုတ်လွှင့် မယ်လို့ သိရပါတယ်။
