အဆိုပါ ကိုဗစ်အတည်ပြုလူနာအမျိုးသားသည် စက်တင်ဘာ ၂၂ ရက်တွင် ရန်ကုန်မြို့မှ မြဝတီမြို့သို့ လူနာတင်ယာဉ်ဖြင့် ပြန်လည်ရောက်ရှိလာပြီး မြဝတီခရိုင် ပြည်သူ့ဆေးရုံကြီး၌ Quarantine ထားရှိထားသူဖြစ်သည်။

၎င်းသည် Stay at home အမိန့်ထုတ်ပြန်ထားသည့် ရန်ကုန်မြို့မှပြန်လာသူဖြစ်သည့်အတွက် ၎င်းအား ကိုင်တွယ်ကုသခဲ့သည့် မြဝတီခရိုင်ဆေးရုံရှိဝန်ထမ်းအားလုံးအနေဖြင့် Level 2 အဆင့်ဖြင့်ဝတ်ဆင်ခဲ့သော်လည်း Quarantine ဝင်ကာ swab ယူ၍စစ်ဆေးသွားမည်ဖြစ်သည်။

၎င်းအပြင် ကွယ်လွန်သူ၏ဇနီးဖြစ်သော လူနာစောင့်အမျိုးသမီးမှာ စစ်ဆေးချက်အရ COVID- 19 ပိုးမတွေ့ရှိသကဲ့သို့ COVID- 19 ပိုးတွေ့လူနာသေဆုံးသူနှင့် ဇနီးတို့သည် ရန်ကုန်မှဆေးရုံဆင်းပြီး မြဝတီခရိုင်ဆေးရုံးကြီးသို့ တိုက်ရိုက် Quarantine ဝင်ရောက်ခဲ့ခြင်းဖြစ်သဖြင့် ယာဉ်မောင်းမှလွဲ၍အခြားမည်သည့် Contact Person မျှမရှိကြောင်း မြဝတီခရိုင်အုပ်ချုပ်ရေးမှုး ဦးတေဇာအောင်မှ ပြောသည်။

ထိုင်း-မြန်မာနယ်စပ် မြဝတီမြို့တွင် ထိုင်းနိုင်ငံမှပြန်လာသည့် အသက်နှစ်နှစ်အရွယ် ကလေးငယ်တစ်ဦးနှင့်ရန်ကုန်မြို့မှ ပြန်လည်ရောက်ရှိလာကြသည့် လေးဦး၊ စုစုပေါင်းငါးဦးတို့တွင် COVID- 19 ရောဂါပိုးတွေ့ရှိခဲ့ခြင်း ဖြစ်သည်။

၎င်းတို့အနက် မြဝတီမြို့ အမှတ်(၂)ရပ်ကွက် ခွန်ဆာဝင်းနေ ထိုင်းပြန်အသက်နှစ်နှစ်အရွယ် ကလေးငယ်မှာရောဂါပိုးကင်းစင်၍ ဆေးရုံမှဆင်းခွင့်ရခဲ့ပြီဖြစ်သည်။