စက်တင်ဘာ ၂၀ ရက်နေ့ ညနေပိုင်း တွင် ရန်ကုန်မြို့ပြည်သူ့ဆေးရုံကြီးမှ ဆရာဝန်မတစ်ဦးထံသို့ အမျိုးသားတစ်ဦးက ဖုန်းဖြင့်ဆက်သွယ်၍၎င်းမှာ မင်းရဲကျော်စွာ လမ်းရှိ KBZ ဘဏ်ခွဲမှ ဝန်ထမ်းတစ်ဦး ဖြစ်ကြောင်းပြောပြီး ဒေါက်တာအသုံးပြုနေသည့် KBZ pay အကောင့်မှာ အဆင့်-၂ အဆင့်သာရှိသဖြင့် အဆင့် ၃ အဆင့်သို့ ပြောင်းလဲမှသာ ငွေသွင်း/ထုတ်အဆင်ပြေနိုင်မည်ဟု ပြောဆိုကာ KBZ pay အကောင့်၏ password ကိုတောင်းခံခဲ့သည်။

ဆရာဝန်မဖြစ်သူကလည်းယုံကြည်၍ password ပေးခဲ့သည်။ထို့နောက် ၎င်း၏ KBZ Pay အကောင့်ကို ပြန်လည်စစ်ဆေးခဲ့ရာ ထည့်သွင်းထားသည့် ကျပ် ၅၃ သိန်း အနက် ငွေကျပ်သိန်း ၅၀ အား U Chit San အမည်ပါဘဏ်အကောင့်သို့ လွှဲပြောင်းထုတ်ယူခဲ့ကြောင်း စစ်ဆေးသိရှိရသောကြောင့်အရေးယူပေးရန်တိုင်ကြားခဲ့သည်။

ဗဟန်းမြို့မရဲစခန်း၏ (ပ)၁၁၀၈/၂၀ ၂၀၊ဆက်သွယ်ရေးဥပဒေပုဒ်မ ၆၆(ဂ)အရ အမှုဖွင့် စုံစမ်းခဲ့ရာ ပြစ်မှူကျုးလွန်သူ U Chit San အကောင့်အမည်ပိုင်ရှင်မှာ မြဝတီမြို့တွင် ရှိနေသောကြောင့် ဗဟန်းမြို့မရဲစခန်းက ပြစ်မှူကျူးတိမ်းရှောင်နေသူကို ကူညီဖမ်းဆီးပေးရန်အတွက် အောက်တိုဘာ ၇ ရက်နေ့တွင်မြဝတီမြို့မရဲစခန်းသို့ ချိတ်ဆက် အကူညီတောင်းခဲ့သည်။

မြဝတီမြို့မရဲစခန်းမှ ဒုရဲအုပ် မင်းမင်းထွန်း နှင့် အဖွဲ့က မြဝတီမြို့ အမှတ်(၄) ရပ်ကွက်၊ ပဒုမ္မာလမ်းတွင် နေထိုင်သူ ငွေလွဲ/ ငွေထုတ်လုပ်ငန်းလုပ်ကိုင်သူ ကိုချစ်စံ (၃၇) နှစ် ဖြစ်ကြောင်း စုံစမ်းသိရသဖြင့် ဖမ်းဆီးအရေးယူခဲ့သည်။

၎င်းကို စစ်ဆေးချက်အရ ဘဏ်ဝန်းထမ်းအယောင် ဆရာဝန် အမျိုးသမီး၏ အကောင့်မှ ငွေကျပ် သိန်း ၅၀ ကို လိမ်လည်ထုတ် ယူခဲ့ကြောင်း ထွက်ဆိုခဲ့သည်။