ကျောက်တံခါးမြို့နယ်တွင် အိမ်သို့လာလေ့ရှိသူက (၁၃) နှစ်သမီးကို အဓမ္မပြုကျင့်ခဲ့ပြီး ကိုယ်ဝန် (၂၂) ပတ်အကြာမှ သိရှိသဖြင့် အမှုဖွင့်တိုင်ကြားခဲ့သည်ဆိုမှု ကို အရေးယူထားကြောင်း အောက်တိုဘာ ၁၃ ရက်နေ့တွင် ရဲတပ်ဖွဲ့မှ သိရသည်။
မတ်လ၂၀ ရက်နေ့က ကျောက်တံခါးမြို့နယ်၊ဖဒိုမြို့၊ဆီဆုံကုန်းကျေးရွာအုပ်စုနေ အသက် (၁၃) နှစ်အရွယ် မိန်းကလေးသည် မိဘများမှာလယ်တဲတွင် ညအိပ်ရန်သွား ရောက်ခဲ့ကြသောကြာင့် နေအိမ်တွင်အစ်ကို အမ တို့နှင့်ကျန်ရစ်ခဲ့သည်။ည ၇ နာရီအချိန်တွင် နေအိမ်၌ တစ်ယောက်တစ်နေရာစီအိပ်ယာဝင်ခဲ့ကြသည်။ ည ၁၂ နာရီအချိန်ခန့်တွင်လူတစ်ဦးနေအိမ်ပေါ်တက်လာသဖြင့်လန့်နိုးသွားပြီးလမ်းမီးရောင်ကြောင့်တက်လာသူမှာနေအိမ်သို့မကြာခဏလာရောက်လည်ပတ်ဖူးသူ စောဖားကွိ(၄၂)နှစ်ဖြစ်ကြောင်းသိရသည်။ထို့နောက် စောဖားကွိမှ၎င်း၏ဘယ်ဘက်လက်ဖြင့် သူမ၏ပါးစပ်ကိုပိတ်ပြီး ၎င်းညာလက်ဖြင့် ချုပ်ကာ အတင်းအဓမ္မပြုကျင့်စဉ်မေ့မြောသတိလစ်သွားခဲ့သည်။
နောက်နေ့ နံနက် အိပ်ယာမှနိုးသောအခါ မိန်းမကိုယ်မှာနာကျင်နေပြီး ၎င်းဖြစ်စဉ်နှင့်ပတ်သက်၍မည်သူကိုမှမပြောပြဘဲနေခဲ့သည်။ အောက်တိုဘာ ၇ ရက် နံနက် ၁၀ နာရီအချိန်ခန့်တွင်နေထိုင်မကောင်းသဖြင့် မြို့ချောင်းဆေးရုံသို့သွားရောက်ပြသခဲ့သည်။မြို့ချောင်း တိုက်နယ်ဆရာဝန်က စစ်ဆေးရာကိုယ်ဝန်(၂၂)ပါတ်ရှိပြီဖြစ်ကြောင်းပြောပြသိရှိခဲ့ရသောကြောင့်သားမယားပြုကျင့်ခဲ့သူ စောဖားကွိကို ဥပဒေအရအရေးယူပေးရန် အောက်တိုဘာ ၁၂ ရက်နေ့တွင် တိုင်ကြားခဲ့သည်။
ဖဒိုနယ်မြေရဲစခန်းက(ပ)၁၇၁/၂ဝ၂ဝရာဇသတ်ကြီးပုဒ်မ ၃၇၆ အရအမှုရေးဖွင့်ကာစခန်းမှုးရဲအုပ်အောင်မြင့်ဦးက စစ်ဆေးလျက်ရှိသည်။
