၂၀၂၀ ပြည့်နှစ် အမေရိကန်သမ္မတရွေးကောက်ပွဲမှာ Donald Trump ကို Joe Biden အနိုင်ရရှိကြောင်း ကြေညာပြီးနောက်မှာတော့ Jennifer Lawrence တစ်ယောက် သူမရဲ့အပျော်တွေကို မထိန်းချုပ်နိုင်ခဲ့ပါဘူး။
၄၆ ကြိမ်မြောက် သမ္မတရွေးချယ်ပွဲရဲ့ရလဒ်ကိုကြေညာပြီးနောက်မှာပဲ အသက် ၃၀ အရွယ် ရွှေကမ္ဘာလုံးဆု သုံးကြိမ်ရရှိထားတဲ့မင်းသမီး Jennifer က သူမရဲ့အင်စတာဂရမ်မှာ ဗွီဒီယိုတစ်ခုကိုတင်ခဲ့တာပါ။
ဗွီဒီယို ထဲမှာတော့ Jennifer က အိမ်နေရင်းဝတ်စုံ ဝတ်ပြီး ဘော်စတွန်မြို့ရဲ့လမ်းပေါ်မှာ သီချင်းဖွင့်ရင်းနဲ့ လက်တွေ လေမှာမြှောက်ပြီး အောင်ပွဲခံနေတာပဲဖြစ်ပါတယ်။
သူမဟာအရင်တုန်းက ရီဘက်ပလစ်ကန်ကိုထောက်ခံသူ တစ်ယောက်ဖြစ်ခဲ့ပြီး ၂၀၀၈ ခုနှစ်ရွေးကောက်ပွဲမှာ John McCain ကို မဲပေးခဲ့တာပါ။
နှစ်တွေကြာလာပြီး အသက်အရွယ်ရလာတဲ့အခါမှာတော့ နိုင်ငံရေးနဲ့ပတ်သက်တဲ့သူမရဲ့အမြင်တွေပြောင်းလဲလာခဲ့တယ်လို့ ဆိုပါ တယ်။
အကယ်၍ Donald Trump သာ အမေရိကန်နိုင်ငံရဲ့သမ္မတထပ်ဖြစ်လာခဲ့ရင် ဒါဟာကမ္ဘာကြီးရဲ့ အဆုံးသတ်ပါပဲလို့ Jennifer က ပြောခဲ့ပါတယ်။
