''စစ်ကိုင်းတိုင်းထဲမှာ ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (Japan International Cooperation Agency)Seed Project အစီအစဉ်နဲ့ မျိုးစေ့သန့်စင်စက်ရုံသိုလှောင်ရုံတွေ ဆောက်လုပ်ပြီးစီးပြီ ဖြစ်ပါတယ်''ဟု စစ်ကိုင်းတိုင်စိုက်ပျိုးရေးဦးစီးမှူး ဦးဝင်းလှိုင်ဦးက ပြောသည်။

မျိုးစေ့သန့်စင်စက်ရုံနှင့် သိုလှောင်ရုံများကို JICA ချေးငွေဖြင့် ဝက်လက်မြို့နယ်တွင် Type -A၊ ရွှေဘိုမြို့နယ်တွင် Type -B နှင့် ခင်ဦးမြို့နယ်၊ ဒီပဲယင်းမြို့နယ်၊ တန့်ဆည်မြို့နယ်တို့တွင် Type -C ဟူ၍အမျိုးအစားခွဲ၍ တည်ဆောက်ခဲ့ခြင်း ဖြစ်သည်။

''ရွှေဘိုမြို့နယ် ချီပါမျိုးသန့်ခြံက Type-B၊ ဝက်လက်မြို့နယ်၊ စိုင်နိုင်ကြီးရှေ့တန်းစခန်းမှာက Type-A၊ခင်ဦးမြို့နယ်၊ ဒီပဲယင်းမြို့နယ်၊ တန့်ဆည်မြို့နယ်တွေမှာက Type-C၊ Type-A နဲ့ B မှာက အဆောက်အအုံက အလျား ၂ဝဝ၊ အနံ ၉ဝ၊ အမြင့်က၅ဝ ရှိတယ်၊ စက်ကတော့ Type-A မှာကအခြောက်ခံစက်(၂)လုံးပါတယ်၊ Type-B က အခြောက်ခံစက်တစ်လုံးပါတယ်၊ အခြောက်ခံစက်တစ်လုံးက(၁၂)နာရီကို တင်းပေါင်း (၇၅ဝ)အခြောက်ခံနိုင်တယ်၊Type-C ကတော့အခြောက်ခံစက်မပါဘူး၊ ဘတ်ဂျက်ကအဆောက်အအုံတန်ဖိုးအနေနဲ့ Type-A မှာက သိန်းပေါင်း ၁၄,၁၃ဝ၊Type-B မှာကသိန်းပေါင်း ၁ဝ,၂၆ဝ ၊Type-C ကတော့ အဆောက်အအုံရောစက်ရောဆို တစ်မြို့နယ်ကိုသိန်း ၅၇ဝ ကုန်ကျခဲ့ပါတယ်၊ ဒီလုပ်ငန်းတွေကိုစိုက်ပျိုးစီးပွား ဝင်ငွေတိုးတက်ရေးစီမံကိန်းကနေ JICA ချေးငွေနဲ့ဆောင်ရွက်တာဖြစ်ပါတယ်'' ဟု ရွှေဘိုမြို့ချီပါမျိုးသန့်ခြံတာဝန်ခံ ဦးမင်းဆွေကထပ်မံပြောသည်။

ဆန်စပါးအခြောက်ခံစက် ပါရှိမှုအနေဖြင့် Type -A တွင် အခြောက်ခံနှစ်လုံး၊Type -B တွင် အခြောက်ခံတစ်လုံးပါရှိကာType -C များတွင်မူအခြောက်ခံစက်ပါရှိခြင်းမရှိကြောင်းနှင့်အခြောက်ခံတစ်လုံးလျှင် ၁၂ နာရီအတွင်း စပါးတင်းပေါင်း ၇၅ဝ ကိုအခြောက်ခံနိုင်မည်ဖြစ်သည်။

Type -A ၊Type -B မှာကအခြောက်ခံစက်တွေပါတော့ စပါးတွေကိုအခြောက်ခံမယ်၊ သန့်စင်တာမယ် Grade ခွဲမယ်၊ ပါကင်ပိတ်မယ်၊ ပြီးရင်မျိုးစေ့ရဲ့Quality ကို ဓာတ်ခွဲတာပါမယ်၊ ဘတ်ဂျက်ကတော့စိုက်ပျိုးစီးပွားဝင်ငွေတိုး တက်ရေးစီမံကိန်းကနေ JICA ချေးငွေနဲ့ဆောင်ရွက်တာဖြစ်ပါတယ်၊Type -C ကတော့ ပေ၅ဝ ပတ်လည် Street Structure အဆောက်အအုံ ဖြစ်ပါတယ်၊ အဲဒီမှာတော့အခြောက်ခံစက်မပါဘူး၊ Mobile သန့်စင်စက်ပါ၊ စက်တွေကတော့အားလုံးတပ်ဆင်ပြီးပါပြီ၊ လုပ်ငန်းတွေကိုလာမယ့်နှစ် ဇန်နဝါရီလမှာ စတင်ဆောင်ရွက်သွားမှာ ဖြစ်ပါတယ်'' ဟုရွှေဘိုမြို့ ချီပါမျိုးသန့် ခြံတာဝန်ခံဦးမင်းဆွေက ပြောဆိုသည်။