မြဝတီမြိုကတွင် BGF တပ်ဖွဲ့ဝင်အဖြစ် အယောင်ဆောင်ကာ လူအချို့အား ဖမ်းဆီးခေါ်ဆောင်၍ ငွေခြိမ်းခြောက်တောင်းခံခဲ့သူအား နိုဝင်ဘာ ၁၂ ရက် မွန်းလွဲပိုင်းက ရုံးထုတ်စစ်ဆေးခဲ့ကြောင်း သိရသည်။
BGF တပ်ဖွဲ့ဝင်ဖြစ်သည်ဟုအယောင်ဆောင်ခဲ့သူမှာ ကျော်ကျော်(မြေသြဇာ)နှင့် အဖွဲ့ဝင်များဖြစ်ပြီး လူတစ်ဦးအား ဖမ်းဆီးခေါ်ဆောင်ကာငွေကျပ်သိန်း(၇ဝ)အား ခြိမ်းခြောက်တောင်းယူမှုဖြင့် အောက်တိုဘာ ၃ဝရက်တွင် အမှုဖွင့်တိုင်တန်းခံရခြင်းဖြစ်သည်။ ၎င်းအား မြဝတီရဲစခန်းမှ(ပ)၅၄၁/၂ဝ၂ဝရာဇသတ်ကြီး ပုဒ်မ၃၈၆/ ၃၄၂/ ၁၄ဝ/၁၁၄တို့ဖြင့် အရေးယူခဲ့ပြီး အဖွဲ့ဝင် လူငယ်လေးဦးအားနိုဝင်ဘာ ၄ ရက်တွင် ထပ်မံအမှုဖွင့်လှစ်ခဲ့ပြီး မြဝတီရဲစခန်းမှ (ပ)၅၃၆/ ၂ဝ၂ဝရာဇသတ်ကြီးပုဒ်မ ၃၈၆/၃၄၂/၁၄ဝ/၅ဝ၆ တို့ဖြင့် ထပ်မံအရေးယူခဲ့သည်။
အဆိုပါအမှုမှ ကျော်ကျော် (မြေသြဇာ)နှင့်အဖွဲ့အား နိုဝင်ဘာ ၁၂ ရက်မွန်းလွဲ ၁ နာရီတွင် မြဝတီမြို့နယ်တရားရုံး၌ရုံးထုတ်ခဲ့ရာ အမှုမှာ ရဲမှစစ်ဆေးဆဲဖြစ်သဖြင့် နိုဝင်ဘာ ၂၆ ရက်ထိချုပ်ရီမန်ပေးလိုက်ကြောင်း မြို့နယ်တရားရုံးမှ မြို့နယ်တရားသူကြီး ဦးဝေဇင်မန်းက ပြောသည်။
