အဆိုပါ နည်းပညာကူညီဆောင်ရွက်ရေးအတွက် JICA နှင့်ရန်ကုန်မြို့တော်စည်ပင်သာယာရေး ကော်မတီ(YCDC)တို့သည် Project for Improvement of Water Supply Management of Yangon City Development Committee (YCDC) (Phase 2)အတွက်Record of Discussion (R^D)ကို ယခုလ ၂၃ ရက်ကလက်မှတ်ရေးထိုးခဲ့သည်။

ရေပေးဝေရေးဆိုင်ရာ ပစ္စည်းများ၊ပုဂ္ဂလိကရေပေးဝေမှုဆိုင်ရာ ဝန်ဆောင်မှုများနှင့် ရေပေးဝေရေး အဆောက်အအုံများ ထိရောက်စွာလည်ပတ်နိုင်ရန် YCDC ၏ ရေအရင်းအမြစ်နှင့်ရေပေးဝေရေးအာဏာပိုင်အဖွဲ့(WRWSA)ကိုစီးပွားရေး စီမံခန့်ခွဲမှုစွမ်းရည်မြှင့်တင်ရန်၊ အထူးသဖြင့် ဆင်းရဲနွမ်းပါးပြီးထိခိုက်လွယ်သော ပြည်သူများအတွက်သန့်ရှင်းသည့် ရေကိုအသုံးပြုလာနိုင်ရန်ရည်ရွယ်၍အကူညီပေးခြင်း ဖြစ်ကြောင်း JICAက ထုတ်ပြန်ထားသည်။

JICA ၏ နည်းပညာဆိုင်ရာပူးပေါင်းဆောင်ရွက်မှုအစီစဉ်အဖြစ် အထက်ပါအဆင့် ၂ စီမံကိန်းကို ၂ဝ၂၁ ခုနှစ်နှစ်ဆန်းပိုင်းမှ ၂ဝ၂၄ ခုနှစ်အထိ သုံးနှစ် တာကာလအတွင်း ဖော်ဆောင်သွားမည်ဖြစ်သည်။

လက်ရှိတွင်လည်း စီမံကိန်း၏အဆင့် ၁ ပူးပေါင်း ဆောင်ရွက်မှုကို ၂ဝ၁၅ ခုနှစ်မှစတင်၍ ငါးနှစ်စီမံကိန်းအဖြစ်ဆောင်ရွက်လျက်ရှိပြီး ယခုအဆင့် ၂ ကိုဆောင်ရွက်ရန် ထပ်မံလက်မှတ်ရေးထိုးလုပ်ဆောင်ခြင်း ဖြစ်သည်။

နည်းပညာများအဖြစ် ရေအလေအလွင့်စီမံခန့်ခွဲမှု၊ လူစွမ်းအား အရင်းအမြစ်ဖွံ့ဖြိုးတိုးတက်မှု(HRD)၊ စီမံကိန်းနှင့် ဘဏ္ဍာရေး ဝန်ဆောင်မှု ရယူသူများနှင့်ဆက်ဆံရေး စီမံခန့်ခွဲမှု၊ ရေအရည်အသွေး စီမံခန့်ခွဲမှုများကိုလည်း ဂျပန်ကျွမ်းကျင်ပညာရှင်အဖွဲ့က နည်းပညာများ လွှဲပြောင်းပေးလျက်ရှိသည်။