အဝေးထိန်းစနစ်ပါသည့် အသက်ကယ်လှေ(Water Rescue Robot) စမ်းသပ်မောင်းနှင်မှုတွင် ဒုတိယညွှန်ကြားရေးမှူး ဦးဌေးဝင်း၊လက်ထောက်ညွှန်ကြားရေးမှူး ဦးကျော်ကိုကိုနှင့် မြို့နယ်မီးသတ်ဦးစီးမှူးများက စမ်းသပ်မောင်းနှင်ခြင်းများ ပြုလုပ်ကြသည်။

အသက်ကယ်လှေ(Water Rescue Robot)ကို မန္တလေးတိုင်းဒေသကြီးအစိုးရအဖွဲ့၏ ၂ဝ၂ဝ-၂ဝ၂၁ ဘဏ္ဍာရေးနှစ်ရန်ပုံငွေဖြင့် မန္တလေးတိုင်းဒေသကြီး မီးသတ်ဦးစီးဌာနသို့ ဝယ်ယူပေးခြင်းဖြစ်ပြီး ယင်းအသက်ကယ်လှေသည် နိုင်ငံတကာရေပြင်ရှာဖွေကယ်ဆယ်ရေးလုပ်ငန်းများတွင်လည်း အသုံးပြုလျက်ရှိသည်ဟု သိရသည်။

အဆိုပါ စမ်းသပ်မောင်းနှင်ခြင်းပြုလုပ်ရာသို့ မန္တလေးတိုင်းဒေသကြီးမီးသတ်ဦးစီးဌာန၊ ဒုတိယတိုင်းဒေသကြီး မီးသတ်ဦးစီးမှူး၊ ဒုတိယညွှန်ကြားရေးမှူး ဦးဌေးဝင်း၊ ခရိုင်မီးသတ်ဦးစီးမှူး လက်ထောက်ညွှန်ကြားရေးမှူးဦးကျော်ကိုကို၊ မြို့နယ်များမှ မီးသတ်ဦးစီးမှူးများ တက်ရောက်ခဲ့ကြသည်။