ဗီယက်နမ်နိုင်ငံတွင်လာမည့် မေလအတွင်းကျင်းပပြုလုပ်မည့် ၂၀၁၄ခုနှစ်အာရှဖလားအမျိုးသမီး
ချန်ပီယံ ရှစ်ပြိုင်ပွဲအတွက် ကြိုတင်ပြင်ဆင်မှုများပြုလုပ်လျက်ရှိသော မြန်မာ့လက်ရွေးစင်အမျိုး
သမီးသည် မေလ ၅ရက်နေ့အထိ တရုတ်နိုင်ငံတွင် လေ့ကျင့်နိုင်ရန် ဧပြီလ ၂၇ရက်နေ့တွင်
မြန်မာနိုင်ငံမှ ထွက်ခွာသွားပြီဖြစ်သည်။
မြန်မာ့လက်ရွေးစင်အမျိုးသမီးအသင်းကို ဂျပန်လူမျိုးနည်းပြကုမာဒါက တာဝန်ယူကိုင်တွယ်
လျက်ရှိပြီး ကစားသမား (၂၆)ဦးနှင့်အတူ တရုတ်နိုင်ငံသို့ထွက်ခွာသွားပြီဖြစ်သည်။
မြန်မာ့လက်ရွေးစင်အမျိုးသမီးအ သင်းသည်တရုတ်နိုင်ငံတွင် သွားရောက်နေထိုင်လေ့ကျင့်နေ
စဉ်ကာလအတွင်း တရုတ်အမျိုးသမီးကလပ်အသင်းများ၊လူငယ်အသင်းများနှင့်ခြေစမ်းပွဲများ
ယှဉ်ပြိုင်ကစားသွားမည်ဖြစ် သည်။မြန်မာအမျိုးသမီးအသင်း သည် ၂၀၁၄ခုနှစ်အာရှဖလား
အမျိုးသမီးချန်ပီယံရှစ်ပြိုင်ပွဲ၏ အုပ်စု(ခ)တွင် တရုတ်၊တောင်ကိုရီးယား၊ထိုင်းအသင်းများနှင့်
အတူ ကျရောက်လျက်ရှိပြီး အုပ်စုတတိယ ရသည်နှင့် အုပ်စု(က)မှ တတိယနေရာရသော
အ သင်းနှင့်၂၀၁၅အမျိုးသမီးကမ္ဘာ့ဖလား ၀င်ခွင့်အဆုံးအဖြတ်ပွဲစဉ် ထပ်မံကစားရမည်ဖြစ်
သည်။အုပ်စု(က) တွင် အိမ်ရှင်ဗီယက်နမ်၊ဂျပန်၊ဂျော်ဒန်၊ဩစတြေးလျ အသင်းများပါ၀င်သည်။
