၂၀၁၄ မြန်မာနေရှင်နယ်လိဂ် ပွဲစဉ်(၁၀) ပွဲကျန်နှစ်ပွဲကို ပြီးခဲ့သည့် ဇွန်လ ၂ ရက်နေ့က
ယှဉ်ပြိုင်ကစားခဲ့ရာ ရန်ကုန်နှင့် ဇွဲကပင်တို့၏ပွဲစဉ်တွင် တစ်ဖက်တစ်ဂိုးစီဖြင့် သရေကျခဲ့ပြီး မကွေး
အသင်းနှင့် နေပြည်တော်အသင်းတို့၏ ပွဲစဉ်တွင် မကွေးအသင်းက တစ်ဂိုးဪဂိုးမရှိဖြင့်အနိုင်
ရရှိခဲ့သည်။
အဆိုပါပွဲကျန်များကို ၂၀၁၄ အေအက်ဖ်စီ ဖလားပြိုင်ပွဲဝင်နေရခြင်းကြောင့် ရန်ကုန် ယူနိုက်တက်အသင်းနှင့် နေပြည်တော်အသင်းတို့က ရွှေ့ဆိုင်းခဲ့ရခြင်းဖြစ်သည်။
ရန်ကုန်ယူနိုက်တက်အသင်းနှင့် ဇွဲကပင်အသင်းတို့ပွဲစဉ်ကို ရန်ကုန်ယူနိုက်တက်အသင်း၏
အိမ်ကွင်း YUSC ၌ ယှဉ်ပြိုင်ကစားခဲ့ခြင်းဖြစ်ပြီး အိမ်ရှင်ရန်ကုန်အသင်းသည် ပွဲအစ နှစ်မိနစ်မှာ
ပင် ဦးဆောင်ဂိုးရရှိခဲ့သည်။
သို့သော်မိနစ် ၈၀ တွင် ဇွဲကပင်အသင်းအတွက် ဇွန်မိုးအောင်က အဖိုးတန်ချေပဂိုး သွင်းယူပေး
နိုင်ခဲ့ပြီး သရေရလဒ်ဖြင့်သာ ပွဲပြီးဆုံးခဲ့သည်။ နေပြည်တော်အသင်းနှင့် မကွေးအသင်းတို့၏ ပွဲစဉ်
ကို သုဝဏ္ဏကွင်း၌ ယှဉ်ပြိုင်ကစားခဲ့ကြပြီး မျိုးဇော်ဦး၏ ၅၂ မိနစ်တွင် သွင်းယူခဲ့သော တစ်လုံး
တည်းသောဂိုးဖြင့် မကွေးအသင်းက အနိုင်ရရှိခဲ့သည်။
