ရှော်လ်ကေးအသင်းနည်းပြဖြစ်သူ ဒီမက်တီယိုသည် ဘွန်ဒက်စ်လီဂါ နောက်ဆုံးပွဲစဉ်အပြီးတွင်
အသင်းနည်းပြရာထူးမှာ ထုတ်ပယ်ခံ လိုက်ရသည်။
ဒီမက်တီယိုသည် ၂၀၁၄ အောက်တိုဘာတွင်မှ ရှော်လ်ကေးအသင်းကို ကိုင်တွယ်ခဲ့သူဖြစ်ပြီး
ယခုနှစ် ချန်ပီယံလိဂ် ပြိုင်ပွဲတွင် အသင်းကို ၁၆ သင်းအဆင့် ရှုံးထွက်ရောက်အောင်
လုပ်ဆောင်ပေးနိုင်ခဲ့သည်။
သို့သော် ဘွန်ဒက်စ်လီဂါ နောက်ဆုံး ပွဲစဉ်တွင် ရှော်လ်ကေးအသင်းသည် ဟမ်းဘတ်အသင်းကို
၂-၀ ဂိုးဖြင့် ရှုံးနိမ့်ခဲ့ပြီး ယခုနှစ်ရာသီအမှတ်ပေးဇယားတွင် အဆင့်(၆) နေရာတွင်သာ ရပ်တည်နိုင်ခဲ့သည်။
ထို့ကြောင့် အသင်းတာဝန်ရှိသူ များက ဒီမက်တီယိုကို အသင်းနည်းပြရာထူးမှ ထုတ်ပယ်ရန် ဆုံးဖြတ်
ခဲ့ခြင်းဖြစ်သည်။
ရှော်လ်ကေးအသင်းသည်း ဒုတိယရာသီဝက် ပွဲစဉ်(၁၇) ပွဲတွင် ငါးပွဲသာ အနိုင်ရရှိခဲ့ပြီး ၎င်းတို့
နောက်ဆုံးအနိုင်ရရှိ ခဲ့သော ပွဲမှာ ပြီးခဲ့သည့်တစ်ပတ်က ကစားခဲ့သည့် တန်းဆင်းဇုန်ထဲက ပက်ဒါဘွန်းအသင်းနှင့် ပွဲဖြစ်သည်။
