မြန်မာနိုင်ငံ ဂေါက်သီးအဖွဲ့ချုပ်၊ မြန်မာပီဂျီ အေနှင့် ကမ္ဘောဇဘဏ်တို့ ပူးပေါင်းစီစဉ်ကျင်းပသော
၂၀၁၅ ခုနှစ် မြန်မာပြည်တွင်း ပတ်လည်ဂေါက်ရိုက်ပြိုင်ပွဲ၏ စတုတ္ထပွဲစဉ်ကို ဇူလိုင်လ ၂၃ ရက်နေ့မှ
၂၆ ရက်နေ့အထိ မန္တလေးမြို့ ရေတံခွန်တောင် ဂေါက်ကွင်းတွင် ကျင်းပပြုလုပ်သွားမည်ဖြစ်သည်။
ပြိုင်ပွဲတွင် ပရော်ဖက်ရှင်နယ်အဆင့်၊ အမျိုးသား အပျော်တမ်းအဆင့် (Hindicap 0-12) ပြိုင်ပွဲနှင့်
အမျိုးသမီး အပျော်တမ်း အဆင့် (Hindicap 0-24) ပြိုင်ပွဲအမျိုးအစားများ ပါ၀င်သည်။ပရော်ဖက်ရှင်
နယ်ပြိုင်ပွဲတွင် အနိုင်ရရှိသူကို သိန်း ၃၀ ပေးအပ်ချီးမြှင့် သွားမည်ဖြစ်ပြီး အမျိုးသမီးပြိုင်ပွဲနှင့်
အမျိုးသား အပျော်တမ်းအဆင့်ပြိုင်ပွဲတွင် ဆုတံဆိပ်များ သာ ပေးအပ်ချီးမြှင့်သွားမည်ဖြစ်သည်။
မြန်မာပြည်တွင်းပတ်လည် ဂေါက်သီးရိုက် ပြိုင်ပွဲကို ပြီးခဲ့သည့် ဧပြီလ ၂ ရက်နေ့မှ စတင်၍
ဒီဇင်ဘာလ ၆ ရက်နေ့အထိ ပြိုင်ပွဲ ပွဲစဉ် ကိုးခုဖြင့် ကျင်းပပြုလုပ်သွားမည်ဖြစ်ပြီး လက်ရှိအချိန်တွင်
စတုတ္ထမြောက်ပွဲစဉ်ကို ရောက်ရှိလာပြီဖြစ်သည်။
ပြိုင်ပွဲကို မျိုးဆက်သစ်ဂေါက်သီးသမားများ စဉ်ဆက်မပြတ်ပေါ်ထွက်လာရေးနှင့် အဆိုပါ
မျိုးဆက်သစ် ကစားသမားများက နိုင်ငံ့ဂုဏ်ဆောင် ဂေါက်သီးသမားများဖြစ်လာစေရန်ရည်ရွယ်
ချက်ဖြင့်ကျင်းပပြုလုပ်ခြင်းဖြစ်သည်။
မြန်မာပြည်တွင်းပတ်လည် ဂေါက်သီးရိုက် ပြိုင်ပွဲကို ၂၀၁၄ ခုနှစ်မှ စတင်ကျင်းပပြုလုပ်
ခဲ့ခြင်းဖြစ်ပြီး ယခုနှစ်တွင် ဒုတိယအကြိမ်မြောက်ကျင်းပပြုလုပ်ခြင်းဖြစ်သည်။
